`Aprel döyüşləri hərbi dərsliklərə salınmalıdır` - İlham Əliyev
17:44 31 Mart 2017
"Aprel döyüşləri bizim şanlı hərbi qələbəmizdir, dövlətimizin, xalqımızın, ordumuzun gücünü göstərən qələbədir. Aprel döyüşləri nəticəsində işğaldan azad edilmiş Füzuli, Cəbrayıl və Ağdərə rayonlarında bu gün Azərbaycan bayrağı dalğalanır. Bu döyüşlər onu göstərir ki, Azərbaycan xalqı və dövləti heç vaxt işğalla barışmayacaq, öz ərazi bütövlüyünü nəyin bahasına olursa-olsun bərpa edəcək".
Femida.az-ın xəbərinə görə, bunu Azərbaycan prezidenti, Ali Baş Komandan İlham Əliyev aprel qələbələrinin ildönümü ilə əlaqədar bir qrup hərbçi ilə görüşündə deyib.
Dövlət başçısı bildirib ki, aprel döyüşləri, eyni zamanda, ordumuzun peşəkarlığını göstərdi: "Ordumuz əlverişsiz mövqelərdən əks-hücum əməliyyatı apararaq strateji mövqelərə sahib oldu. Bu gün bu strateji yüksəkliklər, mövqelər, işğaldan azad edilmiş ərazilər bizə imkan verir ki, təmas xəttində mövcud olan vəziyyətə tam nəzarət edək və istədiyimiz tədbiri görə bilək".
Prezident vurğulayıb ki, aprel döyüşləri hərbi dərsliklərə salınmalıdır: "Həm peşəkarlıq, həm də vətənpərvərlik ruhu baxımından aprel döyüşləri bir daha göstərdi ki, Azərbaycan xalqı qəhrəman xalqdır. Bir daha onu göstərdi ki, biz bu vəziyyətlə barışmayacağıq. Onu göstərdi ki, xalq-iqtidar birliyi bu gün Azərbaycanda yüksək səviyyədə təmin olunur, möhkəmlənir".
Femida.az
Oxunub: 2386
Oxşar xəbərlər
- `Aprel döyüşləri göstərdi ki, Azərbaycan işğalla barışmayacaq` - General
- `Aprel atəş(kəs)i` kitabının təqdimatı olub
- `Aprel döyüşləri göstərdi ki, kimin ordusu yenilməzdir` - Prezident
- `Aprel hadisələri göstərdi ki...` - Məmmədyarov
- `Aprel döyüşlərini hələ də unutmamışıq` - Sarkisyan
- `Aprel hadisələri zamanı Sarkisyan Moskvaya yalvarıb`
- `Aprel döyüşlərində yeni silahlardan istifadə etmədik` - General
- `Aprel döyüşləri ordumuzun gücünü göstərdi` - İlham Əliyev